Kwah u bah DD Lapang ban pyniakhun da u Bah Mayralborn Syiem na Nongpoh

Shillong, Naiwieng 29:Ka jingshim rai ba syndet jong u Bah DD Lapang ba ju khot ieit Ma Heh u MLA ka Nongpoh Constituency ban ym  iakhun shuh ia ka elekshon MLA 2018, ka la wanrah ka jingkulmar jingmut ia ki paidbah ba bun balang hapoh ka Nongpoh Constituency ha kaba ia dei bad u kyrtong ban pynmih bujli ha jaka jong u Bah Lapang, ong ki riew rangbah ka Nongpoh Constituency kiba ym kwah pynpaw kyrteng khamtam ki nongialam ka seng Congress.

U Bah Lapang u lah shim ia katei ka rai ban ym iakhun shuh ia ka elekshon 2018, ha ka jingialang kaba la long ha iing sah jong u, ha Shillong ha ka 24 tarik mynta u bnai ha ryngkat ki nongkyrshan bad ki nongialam ka Nongpoh Block Congress Committee (NBCC).

Ha katei ka jingialang u Bah Lapang ula pynbna ha ki nongkyrshan ba un ym iakhun shuh ia ka elekshon 2018, na ka daw ka jingbym don ka met kaba koit bakhiah kumba ula pynpaw da lade ne leh se don da kiwei pat ki daw ba shalyndet kiba ym lah ban tip, hynrei kham ha shwa u Bah Lapang u lah dep pynbna ba un iakhun khadduh ha ka elekshon 2018.

Ha katei ka jingialang ba la pynsngew ban ai tiket ia u Bah Mayralborn Syiem, ka lah long ka jingialam bakla kaba khraw ia ki nongkyrshan jong ka party khlem da iamir jingmut shwa bad ki paidbah nongkyrshan jong u Bah Lapang, hynrei la shu pynbna hak dak ia katei ka kam khlem sngap ia ka sur jong kiba bun balang iano ban ai ticket ha jaka jong u Bah Lapang. Khnang ban pyntikna ban wanrah ka jingjop ba don burom ia ka party.

Kumba ka long mynta lah iohi ba don eiei sha lyndet halor katei ka kam hynrei ka shong ha ka jingstad ki nongialam ka party jong na ka Nongpoh BCC, Ri-Bhoi DCC bad ka MPCC. Haba u SP News Agency u la pyrshang ban phone ia u Bah Lapang ban ioh ia ka jingshai ym shym la lah ban ioh ba ia kren.

What Next?

Recent Articles

Leave a Reply

Submit Comment

*