Kyllon iap u wei u lehnoh GNLA ha ka ia siat bad ki pulit ha Gare Ringdi ha South Garo Hills

Shillong, Nailar 01: Mynta ka sngi ha ka por mynstep kala don ka jingkhynra ia ki lehnoh kiba don ha ka thain jong ka shnong Gare Rongdi kaba hap hapoh jong ka South Garo Hills District, ia kane ka jingkhynra ia ki lehnoh la leh ha dien ba la ioh ia ka jingtip kaba thikna ba ki don ki lehnoh ha kane ka thain.

Kine ki lehnoh la suba ba ki dei na ka seng GNLA, katba ki pulit ki dang khynra ia kane ka thain kala mih ia ka jingther kuli hapdeng ki pulit bad ki lehnoh, ha kane ka jingjia la lap na kane ka jaka ia kawei ka met iap jong u lehnoh iaba ym pat lah ban tip kyrteng bad na syndah jong la ioh tam kawei ka pistol.

Na kane ka juh ka jaka ki pulit kila ioh ban tam ia ki note book bad ki shithi dawa pisa jong ka seng GNLA bad ia ki resit, ki pulit kila ioh ruh hynriew tylli ki mobile phone na kane ka jaka. Ha kane ka jingiasiat kuli na ka liang jong ki pulit kila kam ba la don ar ngut ki lehnoh kiba la mynsaw, kane ka long ka jingduh kaba khraw ia u nongialam ka GNLA u Sohan D Shira.

What Next?

Recent Articles

Leave a Reply

Submit Comment
*