Shillong, Nailur 26: Ka Party UDP Mawsynram circle youth wings mynta ka sngi kala leit ban sngewlem bad ia kynduh ia u Bah Paul Lyngdoh MLA jong ka Shillong ka shillong west constituency u ba dei ruh u working president ka UDP ka seng. Kane ka jingleit ka long ban sngewlem halor ka jingshah kawang petrol bomb ka iing jong u ha ki riew sniew.
Ka Youth Wing jong ka UDP ka Mawsynram constituency ka pyrem jur ha kaba iadei bad katei ka jingjia ba ki riew sniew kila nud ban leit kawang petrol bomb ia ka iing jong u MLA ha kaba kila nud ban leit thombor, lada ia u MLA ki la nud ban thom bor katno tam lei ia ki riew paidbah.
Naka liang jong ka UDP Youth Wing ka sngew ba kane ka jingjia kala pynshong syier ia ki paidbah ka seng ka dawa ba ki pulit ki dei ban kem bad pynshitom ia ki riew sniew kiba la nud ban leh ia kane ka kam pyntriem ha ka imlang sah lang. Kane ka jingleh ka long ba ka don ka jingthmu ban shim ia ka jingim briew.
Ha kane ka juh ka sngi na ka liang jong ki nongialam ka UDP Youth Wing ka Mawsynram kila ia kynduh ia ki nongialam jong ka party khamtam ia u Bah Embhahlang Syiemlieh MLA ban ia kren kumno ban pynkhlain ia ka party na ka bynta kane ka election MLA ka ban long ha u snem 2018 ha kaba u bah Olan Suin u long u kyrtong jong ka party la ong u Bah G B Kharraswai.
