Kynjoh 71 snem sahteng ka jingiasoi ka sorkar India bad ki syiem khasi: John Kharshiing

Shillong, Nohprah 30: Haba he kut u snem 2018, ngin tyllun sha ka jingdap 71 snem ha kaba dang sah teng ki jingiateh hapdeng ka Sorkar India bad ki Hima 25 Khasi States, ia kaba ka Sorkar India Kam shym la pyndep ia la ki jingkular bad ka nang shim kabu namar ka jingduna jingtip ki paidbah bad khamtam ka jingtlot kiba bun ki nongmihkhmat ba mynshwa bad mynta kynthup kiba bun ki  MP ka jylla, ong u bah John Kharshiing Chairman, Ka Dorbar Ki Khlieh Nongsynshar Ka Ri Hynniewtrep.

Ka jingsynshar thombor ka la nang jur naba ki paidbah ki ngop ha u rwiang jong ka Sixth Schedule, lyngba ki Autonomous District Council naduh 1952,  kaba la pynkmen ha lyer khlem sngewthuh ba ka dei tang ka jingriam ka jingpynshohbiej ban pynmadan ia ki Riti Ki Dustur.

U Bah Kharshiing u la ong ba ka jingsynshar donbor 71 snem ha ka Ri India lyngba ki Autonomous District Council ia ki Khasi States khlem da pynrung ia ka Instrument of Accession bad  Annexed Agreement 17 Aug 1948 hapoh Constititution jong ka Ri India ka long shisha ka jingsynshar kaba shu thombor khlem sngewthuh ia ki Riti Dustur bad khamtam ki Ain bat khyndew hapoh Ri Khasi Jaintia bad Garo.

Kato katne ki jingeh kiba mih naduh ka snem 1950 namar ka jingbympaw shai ki dulir Instrument of Accession bad Annexed Agreement ha ka kyndon Article 370 Jong ka Constititution Ri India.

Haduh kine ki sngi u pud u sam jong ki Khasi States, Ki Sirdarship bad Jaintia Hills ym shym lah ban pynbeit bun sa tang ki jingiakren, bun ki jingiakhih, namar bym pynshong nongrim halor ka IOA & AA. Jan baroh ki Chief Minister Kim tip ba ki Kyntien “Khasi States” haduh mynta ki paw ha ka kyrdan First Schedule Jong ka Constititution Ri India, katba ngi ia kmen khlem sngewthuh ia ka jingshah pynhiar kyrdan sha ka Sixth Schedule.

Jan baroh ki MP, MLA, bad MDC kim tip ba don kitei ki kyntien bad k tip balei ki paw ha ka First Schedule Jong ka Constititution Ri India. Ka lynti ka La don lupa ban ioh kyrdan ha ka First Schedule hynrei ngi iai ialeh kai ia ka lawei jong ki longdien ha kane ka Sixth Schedule. Baroh ki nongialam party ki tip shai ka jingbym donbor ka shah riam ha ka  Sixth Schedule hynrei kim nud ban iathuh hok.

Haduh kine ki sngi ngim don jingbatai kaba shai shaphang ki Dorbar Kur, Dorbar Shnong, Dorbar Raid, bad Dorbar Hima wat ki Act ki Rule ba thaw ki bor ADC ki long kiba tlot suda namar kim lah ban tam pud ia kaei kaba la pynkham bor hapoh sixth schedule bad kam lah ban tam pud ia ka Constitution Ri India, kumta ngi iai tyngkhuh bad ki Ain Ri India ha baroh ki Khasi States bad ka Ri India khamtam ha kaba iadei bad ka jinglong nongshongshnong (citizenship) namar bym pat paw ka IOA bad AA hapoh Constititution Ri India.

Haduh kine ki sngi ym don Ain kiba shai kiba ithuh kyrpang ia ngi ki jaidbynriew kyrpang ki  Khasi, Jaintia bad Garo pynban la kynthup lang ia ngi hapoh ka sixth schedule ha ka Ain The Constitution Schedule Tribes Order 1950 ha kaba baroh 40 tam ki riewlum ki don ka juh ka Hok hapoh Ri Khasi Jaintia bad Garo. La kam u bah Joh Kharshiing.

Haduh kine ki sngi ngi im ha ka jing long beain la ha ki kam khlaw, ki Kam trei maw, ki Kam trei shiap, ki kam marpoh khyndew ngi don ha ka jingtyngkhu bad kiba bun ki Ain Ri India, kum ka nuksa The United Khasi–Jaintia Hills Autonomous District (Appointment and Succession of Chiefs and Headmen) Act 1959.

Kane  ka ain kaba la pynhiar dor ia ki Riti Dustur khamtam ia ki Syiem, Lyngdoh, Sirdar, Wahadar, Dolloi Myntri, Basan, Syiem Raid, Lyngdoh Raid, Bongthai Raid, Rangbah Shnong, bad Sordar Shnong hapoh Khasi bad Jaintia Hills,  wat hadien ki jingthoh kiba bun sha ki bor  KHADC haduh kine ki sngi ngi iohi baroh ki Bor Dorbar kur, Shnong, Raid Hima la klun ki Bor KHADC bad Kim treh ban wanrah ka synshar khuid hapoh ka Dorbar Hima Mylliem kaba dei ka lynti iaid ki nongwei.

Ka kynhun Federation of Khasi States ka la thoh  halor ki jingtyngkhuh kiba bun ki Ain Kim ka nuksa ki 44 tylli ki Acts/Rules na Delhi (Central Laws), ki Ain jylla (State Laws), bad ki Ain District Council Laws) ka (The Constitution (Scheduled Tribes) Order, 1950, 1976, 1987, ka  Indian Citizenship Act 1955,  ka The Indian Registration Act 1908 , ka The Meghalaya Transfer of Land (Regulations) Act 1971 and Rules 1974.

Ka UK-JHD (Land Revenue) Regulation, 1953, ka The Indian Stamp Act 1899 kiba la pynjari happy ki the Khasi States, ka The Land Acquisition Act 1894 lane kaba ngi khot mynta ka – The Right to fair Compensation and Transparency in Land Acquisition, Rehabilitation and Resettlement Act 2013, ka The Coal Mines Nationalization Act 1973 and 1976,  ka The Mines and Minerals (Development and Regulation) Act 1957;  Land Acquisition (Mines) Act 1885.

The Indian Electricity Act 1910 bad ka The Electricity (Supply) Act 1948, (now called The Electricity Act 2003), The Securitisation and Re-construction of Financial Assets and Enforcement of Security Interest  Act ,2002, The Atomic Energy Act,1962, The National Highway Act 1956, SEZ Act 2005, The Railway Act 1989, The Registration of Births and Deaths Act 1969 ki jingdkoh hapoh ka the KHAD (Khasi Social Custom of Lineage) Bill,  Ka Income Tax Act 1961.

Ka Banking Regulation Act 1949, ka The Companys Act 1956, The Public Debt Act  1944,  ka The Meghalaya Town and Country Planning Act,1973 bad ka the Meghalaya Building Bye Laws; The UK-JHAD ( Establishment of Town Committee) Act 1960 & ka The UK-JHAD (Establishment of Town Committee) rules 1962 ;  ka The UK-JHAD ( Trading by Non-Tribals) Rules 1959, ka The Cantonment Act 2006 bad bun kiwei ki Act ki Rule Ri India kiba long pyrshah ia ki jingiateh Instrument of Accession and Annexed Agreement 17th August 1948 hapdeng ka Sorkar India bad ki Arphewsan Hima Khasi States.

U bah John Kharshiing u la ong ba dang  donbok ba ki Dorbar Kur, Dorbar Shnong, Dorbar Raid bad Dorbar Hima ki  dang im bad ki dang iai pyrshang ban bad ia la ki hok.  Hadien ka jingpyrta kaba bun bun snem dang shen ki bor KHADC ki la thaw bad mynjur ia ki bill kaba kyrteng  FKTC, nangta COTD, bad mynta “Subordinate” Council.  Ka kyrteng hi la sngewthuh ba ka niew bein ia ki Khlieh Nongsynshar namar Kim treh ban ai ia ki ka jaka kaba dei hok. Kumba kdew ka First Schedule hapoh Constititution Ri India.

 

Katkum ka IOA & AA ki Syiem, Lyngdoh, Sirdar Hima Khasi States ki la dei ban ioh kyrdan bad long ki Governor ka jylla Khasi States kiba don hapoh jylla Meghalaya. Hynrei namar ba dang sah um dum ki paidbah bad ki nongmihkhmat ki pyrta pynban ia ki Kam kiba khong pong khlem da pynkhlain pynkhraw shuwa ia la ka jong.Snem thymmai ba suk ia baroh ki khun ki hajar ka ri Khasi, Jaintia bad Garo ngin nang iai pyrta bad dawa ia ka hok kumba ngi dei ban ioh. La ong u Bah John F Kharshiing, Chairman, Ka Dorbar Ki Khlieh Nongsynshar Ka Ri Hynniewtrep bad  Spokesperson, Federation of Khasi States ha ka jingpynlait khubor mynta ka sngi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet