Shillong, Jymmang 02: Ha ka jingiakynduh jong u myntri rangbah ka jylla u Conrad K Sangma bad u myntri ka sorkar pdeng ba dei peit ia ka tnad ki nong bylla, na ka liang jong u myntri rangbah ka jylla u la kyntu ia u myntri ka sorkar pdeng ban tei ia ka Employees State Insurance Corporation (ESIC) Hospital ha Meghalaya.
Ha kane ka jingiakynduh bad u myntri ka sorkar pdeng na ka liang jong u myntri rangbah u la ai iaka dorkhas bad ha kane ka dorkhas la kdew shai ba ka sorkar jylla ka kwah ban buh ia kane ka ESIC hospital hapoh jong ka Ri Bhoi District. U myntri ka sorkar pdeng u la ong ba un sa peit ia kane ka jingkwah ka sorkar jylla.
Ka hospital ESIC ka dei ka hospital kaba la buh kyrpang da ka sorkar pdeng na ka bynta jong kito kiba trei ha kikam karkhana ba kin ioh ia ka jingsumar. Kane ka hospital kan ia rap ia kito kiba trei ha ki kam kiba ka kam jong ki kan don jingshyngian bad lada jia ei ei kane ka hospital kan long ka jaka ai jingiarap bad ha kane ka hospital ka dei ban don ruh iak a rukom sumar dawai kynbat.
