Shillong, K.Lyngkot 05: U Director ka tnad ka koit ka khiah u Dr. Aman War mynta ka sngi u la pynbna paidbah ba, da dang shitom COVID-19 Omicron ha Meghalaya don satang wei, kiwei lai ngut kila ioh ia ka jingkoit.
Haba kren ha ki lat pathai khubor, u Dr War la ong ba, u to u ba wan kai sha Meghalaya dei na Assam, kila wan sha Meghalaya ha ka 21/Nohprah/2021 bad ha katei ka sngi la test COVID-19 ha Umling bad ka jaka sah dei ha iing basa ha Langkyrding, hynrei shuwa ban poi sha Shillong la phone noh na iing bad la hap ban leit phai noh.
Une u ba la Test Omicron u leit phai noh hynrei ia ka test la leh ha Meghalaya, une briew khlem ioh sah ha Langkyrding, ia kane ka jingtest Omicron la phah sha Assam bad kiba sah sah Meghalaya don saw ngut.
Ki ar ngut ki dei kiba na Saiden Ri Bhoi, ia ki la test COVID-19 positive kila jem mynta kine ruh la test COVID-19 positive ha u bnai Nohprah 2021, bad haba la phah jurim bha la shem ba u khniang jingpang dei u Omicron, ka jingslem ban ioh ia ka kaiphot dei namar ba hap ban leh ia ka Genome Sequence bad haba la ioh ia ka kaiphot la shem ba dei u khniang Omicron.
Haba ia dei bad kaba la Test COVID-19 Omicron kaba na Happy Valley ka dei kaba wan trei na Qatar bad haba wan phai la bud ryntih katkum ki kyndon kane ruh kala jem bad la shai ka sngi ka lah ban mih na jaka sumar COVID ba don ha kawei na ki jaka sumar ha kane ka nongbah Shillong.
Ba dang shitom mynta dei kaba na laitumkhrah, kane kam shym don kano kano ka dak hynrei haba la test la shem ba don ia kane ka COVID-19 Omicron, la ong ba la test Omicron ha Laitumkhreh shait khlain, ba pat jem dei sa tang ne ba na Laitumkhreh.
U Driretor ka tnad ka koit ka khiah ba ka ICMR kala ai ia ka jingithuh ia ka jaka test COVID-19 positive kaba don ha Pasture Institute kum ka jaka ban peit bniah ia ki jaidkhniang ia kaba la tip kum ka “Genome Sequence” ka jingslem ban ioh ia ka kaiphot dei namar ba hap leh ia kane ka test kaba thymmai.
U Director la iathuh ba la ioh ia ka jingbthah baduh ka 1/12/2021 ba ia kito kiba la test COVID-19 positive dei ban leh lang ia kane ka “Genome Sequence” ban lap ia ki jaid khniang kiba kumno, ha kane ka jingleh la shem ia kito ki san ngut, saw na Meghalaya wei na Assam, ia kaba lai ngut la koit bad dang shitom wei.
Na ka liang u Dr. War u la pynthikna ba u khniang COVID-19 Omicron la don ha Meghalaya, ki paidbah ki dei ban husiar, na ka liang ka tnad ka koit ka khiah kam kwah ban buh ia ki kyndon hynrei lada kane ka jingpang ka kiew kim ban se ban pynmih shuh sakiwei ki kyndon, ban lait na ki jingbuh kyndon long kiba phikir kyntu u Dr War ia ki paidbah.
