Shillong, Jymmang 13: U Myntri ka koit ka khiah jong ka jylla u Bah A L Hek mynta ka sngi u la iathuh ba ka tnad ka koit ka khiah kala shem ba baroh kiba don ka jingiadei bad ka ba ioh pang COVID-19 kaba khatar ka don ka jingiajan bad ki 33 ngut ki briew.
Ia kane la batai bniah da u Director ka tand ka koit ka khiah u Dr A War, ha ka jingbatai bniah la iathuh ba na ki 33 ngut kiba don ka jingiadei bad kaba ioh pang khatduh eh, la iathuh 14 ngut ki dei kiba ia jan bha ia kiba la tip Primary Contact bad 19 ngut kim da ia jan eh ia kiba la tip kum ki Secondary Contact.
U Dr War u la iathuh ba ia kitei baroh 33 ngut la dep ban test bad baroh ki long Negative. Na ka liang jong ka tnad ka koit ka khiah ka sa dang test shuh ia ki ha ki sngi ban wan katkum ki kyndon.
U Deputy Chief Minister u bah Prestone Tynsong u la iathuh ba baroh ki samla kiba la shim ha duh mynta ki long 2539 ngut bad kiba la dep ban test 2526 ngut baroh ki long Negative, Kumba ka long ka jylla kala don 13 ngut kiba la ioh pang COVID-19, wei la khlad, 11 ngut kila koit bad bas ah mynta i wei ba dang don hapdeng ka jingsumar.
