La thaw Kommittee ban peit bniah halor ka jingpynkylla iaka Sixth Schedule: James

Shillong, Nailur 12: U myntri ba dei peit ia ka tnad District Council u James K Sangma, haba jubab ia ka jingkylli jong ka Dr Ampareen Lyngdoh, u la ong ba katkum ka Bill bala wanrah da ka sorkar pdeng ha ka jingpynkylla ia ka Sixth Schedule, la iathuh ba ka GHADC ka dei ban don 42  ngut ki nongmih khmat bad ka KHADC ka dei ban don 40 ngut bad ka JHADC ka dei ban don 34 ngut.

Ha GHADC, 36 ngut hap ban jied ia ki lyngba ka election bad 6 ngut kiwei pat hap ban thung da u Lat jong ka jylla, 2 ngut kin dei ki kynthei bad saw ngut kiwei pat yn thung na ki riewlum kiba ym don nongmih khmat. Katba ha KHADC pat  36 ngut hap ban jied da ka election katba  2 ngut dei ban thung ia ki kynthei bad 2 ngut kiwei pat hap jied na ki riewlum ki bym don nongmih khmat. Ha JHADC 30 ngut  jied da ka election saw ngut kiwei pat hap ban shuthung bad ar ngut na ki dei ban long ki kynthei.

Ha kane ka Bill kaba mynta ia kaba la wanrah da ka sorkar pdeng ban pynkylla ia ka Sixth Schedule kala don ka kyndon ba lada ki MDC kip het seng kin shah mait kyrteng, lada u ne ka ki shah jied noh kum u MLA ne MP kin duh noh ia ka jinglong MDC khat saw sngi ha dien bala jop ia ka election.

Na ka liang jong u myntri u la batai shuh shuh ba katkum kane ka Bill, la ong ba dei ban don ia ki Vilalge Council, ha ki nongkyndong bad ha ki jaka sor dei ban don ia ka Municipal Council, dei ban don ia ka District Planning Committee na ka bynta ki District Council bad kan don ka State Finance Commission bad ia ka kaiphot ha kaba ia dei bad ka jingpyniaid ia ki jaka riewlum dei ban leh da u Lat ka jylla.

Na ka liang jong u myntri u la iathuh ba ka sorkar kala shong lai sien ki jingialang bad ki District Council halor kane ka Bill, Sixth Schedule kala don ruh ka jingiakynduh bad ka sorkar pdeng.

Haba jubab ia ki jingkylli bynrap jong ka Dr Ampareen, na ka liang jong u myntri u la ong ba ka pdeng jong ka jingiakren ka long halor kito ki briew kiba ym don nongmih khmat bad ka sorkar kan sa iakren ia kane bad ka Standing Committee jong ka Rajya Sabha, ha kaba ia dei bad ka ktein Vilalge Council ka committee kaba ka sorkar kala thaw kin sa ia thir bniah ia kane ka bynta.

What Next?

Recent Articles

Leave a Reply

Submit Comment

*