Shillong,Nailar 24: Ki Nongiew Association (NIA) ha ka jingleit khynra ia kawei ka dukan ha iewduh mynta ka sngi ki la lap ba ka trai dukan ka kong Bida Warbah ka la pyntrei shakri ia u wei i heprit ba dang 11 snem karta.
Kat kum ka ain la khang pyrshah ia ka jingpyntrei kam ia ki khynnah kiba hapoh 14 snem bad ka jingpyntrei ia ine i heprit ka long kaba beain.
U Bah Korbar L Nonglait u president ka NIA haba ai jingkren ha ki nongthoh khubor ula ong, “kane kan long tang ka jingsdang ban khynra ia ki dukan baroh ban pyntrei ia ki khynnah rit kaba long kaba beain bad ngi dang iai bteng ia kum kine ki jingkhynra.
Ula ong, “ngi buh ia ka jingmaham sha baroh ki nongshong dukan ba ki bym bit ban pyntrei shakri da ki khynnah bad ka seng kan leh da kaba tyngeh ia kiba ialeh pyrshah.
