Shillong, Rymphang 04: ka jingialang jong ka CoHSO kaba la long mynta ka sngi kala shim ia ka rai ban la shai ka sngi kin phah da ka jingthoh sha ka sorkar bad sha baroh ki MLA jong ka Rilum Khasi ba kin pyntrei noh ia ka Ineer Line Permit hapoh ka jylla Meghalaya.
Haba kren ha ki nonghtoh khubor ha dien ka jignialang, u Bah Robertjune Kharjahrin u la ong ba kane ka jingphah ia ka jingthoh ka long halor ka rai jong ka dorbar bah kaba la long ha madan Student, Ban pyrshah ia ka Citizenship (Amendment) Bill 2016 jong ka sorkar pdeng bad ka sorkar jylla ka dei ban pyntrei kam noh ia ka ILP Mardor.
Ha dien ba ki la ai ia kane ka jingthoh kin peit la ka sorkar ka don ne em ia ka jingpyni ia ki dak ki shien ba kan pyntrei kam ia ka ILP ha kane ka jylla lada ka sorkar kan pyniia ki dak kin sdang ia ki jingiakhih ban pynbor ia ka sorkar ba ka dei ban pyntrei kam ia ka ILP ha kane ka jylla.
Haba jubab ia ki jingkylli, u Bah Robert u la ong ba lada ka sorkar kam kwah ia ka ILP, ka lah ban shna ia kano kano ka ain tang ba ki lai tylli ki kyndon ki dei ban don, kawei ka long ban khanglad ia ki briew ba na bar ban rung sha kane ka jylla, kaba ar ka long ban don ia ka bor ban pynshitom ia kiba wan rung beain bad kaba lai ka long ba u briew ba wan rung na sha bar um dei ban sah palat ia ka 179 sngi. Ka seng kam da thew eh ia ka kyrteng hynrei ki dei ban don ia kine lai tylli ki kyndon ha ka ain kaba ka sorkar kan shna.
Haba ia dei bad ka ain Meghalaya Safety and Security Act, kaba la shna da ka sorkar jylla na ka liang jong ka CoHSO, kam pdiang namar kam don ia kitei ki lai tylli ki kyndon lada ka sorkar ka pynrung ia kitei ki lai tylli ki kyndon hapoh kane ka ain kala biang ban khang lad ia ka jingwan rung ki briew kiba na bar. La ai nuksa ba ka Manipur kam shym la pyntrei kam ia ka ILP hynrei ka la shna ia la ka jong ka ain da kaba pynrung ia kitei ki kyndon.
Ka CoHSO ka kyntu ruh ia ka seng Congress kaba la pyrshah ia ka ILP ha ka por ba dang bat ia ka bor synshar ha ka jylla ba kan ai ia ka jingkyrshah mynta lada ki pyrshah shisha ia ka CAB, ka jingtieng kam dei ia ki briew kiba na bar ka Ri kaba kham tieng ka dei ia ki para nong India.
Na ka liang jong ka CoHSO ka kyntu ia baroh ki seng sain pyrthei ba kim dei ban long kiba arsap ha ka por ilekshon ki kren da kumwei bad ha dien ka ilekshon kim kren ei ei shuh ha kaba ia dei bad ka ILP, la kyntu ia baroh ki seng sain pyrthei ba kin ai ka jingkyrshan na ka bynta ban dawa na ka sorkar ban pyntrei kam ia ka ILP ha kane ka Rilum Khasi.
