Leit jurip ka FKJGP Upper Shillong ban sniew ki surok bad ki pipe um ha Mawnianglah

 Shillong, Rymphang 04: Hadien ba la ioh sngew ia ka jingud jing nam na ki  Paidbah nong shong shnong jong ka Shnong Mawnianglah, Mawkhan bad Mawrashe ia ka jing sniew palat jong ka Surok bad kumjuh ruh ia ka jing bym don satia ia ki nala um kiba paka ha lynter jong ka surok shnong kaba pyniasoh ia ki 3 tylli ki shnong, Mawnianglah, Mawkhan bad Mawrashe.

Ka FKJGP Upper Shillong Circle hapoh ka jingialam jong u Samla Mac Donald Kharkongor Vice President ha ryngkat ka jing synran lang da ki Dkhot jong ka Circle lem bad ki Nongialam jong ka FKJGP Mawnianglah Unit hapoh ka jingialam jong u Bah Hopewell Kharkongor, President FKJGP Mawnianglah Unit kala pynlong ia ka jingjurip ha ka lai tarik mynta u bnai khnang ban ioh ban shim ia ki sienjam kiba shakhmat na ka bynta ka jingbit jingbiang jong ki paidbah nong shong shnong jong kitei ki lai tylli ki shnong kiba don hapoh ka Thain Upper Shillong.

Ha katei ka jing leit jurip jong ka Seng la ia don ryngkat ruh da ki Nongkitkam shnong jong kitei ki 3 tylli ki shnong kiba kynthup ia u Bah Turon Kharbhih, Asst Rangbah Shnong Mawnianglah, Bah Christplin Kharmawphlang, Rangbah Shnong Mawrashe, Bah Kotbor Wankhar, Rangbah Shnong Mawkhan ha ryngkat ruh u Bah M. Nengnong, Asst. Engineer PWD Road. Katei ka jingleit jurip kala long kaba seisoh namar kala don ka jing kular ban don ka jingiatreilang nangne shakhmat hynrei wat la katta ruh na ka liang jong ka FKJGP Upper Shiilong Circle & FKJGP Mawnianglah Unit kin ym shong kli kti satia ban bud dien ia katei ka kam tad haduh ban da lah ban pynurlong ia ka jing angnud jong ki paidbah Nong Shong Shnong.

Ha kawei pat ka bynta kum ban shu pynkynmaw hangne ba na ka liang jong ka FKJGP Mawnianglah Unit mynta ka taiew kala phah ruh da ka jingthoh sha u Executive Engineer jong ka PHE Investigation Division ban dawa ban bujli thymmai noh ia ka Drilling Pump, ban mang shuh shuh ia ki Pipes bad ban maramot ia kiba bun ki pipes kiba la sniew bad ha kajuh ruh ka por na ka liang jong ka Seng kala dawa ruh ba dei ban buh noh da ki Nong Pump Um kiba tikna khnang ba kan ym buh jingeh ia ki ki Piadbah Nong Shong Shnong.

 

What Next?

Recent Articles

Leave a Reply

Submit Comment

*