Shillong, Risaw 26: U Dr Donkupar R
oy nongialam ka liang pyrshah hapoh ka iing dorbar thawain ka jylla haba plie ia ka Showroom kaba thymmai ban pyniaid iew ia ka kali thymmai kaba la tip kum ka ‘Supper Carrier’ kaba la shimti Banalari World Car, ha Demseiniong Shillong.
Haba kren ha kane ka jingialang, u la ong ba ka kong Banalari Khongwar kala long ka nuksa ia ki kynthei ha kane ka jylla ha ka seng kam seng jam bad u la kyntu ia ki paidbah ba kin seng ia kino kino ki kam ba kin long ki nongai kam, ym ki nongwad kam. U la ong ba hapoh jong ka Banalari World car ki don shibun ki briew kila la ioh kam.
Ha ka juh ka por u la ong, haba ia beh sha ka thong ban kiew ha ka kam ka jam, ymd ei ban ia trei ia ka juh ka kam, hynrei dei ban leh ia kiwei kiwei ki jaidkam kaba kiwei kim pat leh, khang ba, kat ban da ia bud dien kiwei u ba sdang nungkong ia ka kam u la kiw sha jrong.
Kane ka kali thymmai kaba la pynmih da ka company Maruti ka dei ka kali kit tiar, da ka jingdon jong kane ka kali mynta ki briew ki la lah ban jied bad ia nujor ha pdeng ki kali kittiar kano ka baing eh bad da ka jingwan kane ka kali ki paidbah ki la nang ban jied. Na ka liang jong u Dr Don u ai khublei kyrpang ia ka kong Banalari kaba la long kawei na pdeng ki kynthei khasi kaba la lah ban kiew ha ka jingseng kam seng jam ban ai kam ia kiwei pat.
Kiwei kiba la kren ha kane ka jingialang plie ia kane ka showroom kaba thymmai jong ka Banalari World Car, ki long u Dr Jemino Mwthoh MLA, Bah Embhahlang Syiemlieh MLA, A Blah Rangbah shnong Demseiniong, u Regional Manager jong ka Company Maruti u J Shah bad u B Sampat.
Kiwei kiba la ia don lang ki long u Bah Manstudy Nongrem MDC jong ka Ranikor, u Bah Renik Lyngdoh na Mawkyrwat bad bun kiwei kiwei ki mahajon kiba ia don lang ha kane ka sngi. Kum juh na ki seng bei pisa kum ki Bank. Ia kali Super Carrier kaba nyngjong eh kaba la plie mynta ka sngi thied da kawei ka long iing na Pyrdiwah.
