Shillong, Lber 22: Ka jingiakhun ia ka MP ilekshon na ka 2-Tura Parliamentary Konstitwensi kumba ka paw haduh mynta ka lah ban long ka jingiakhun kaba para marwei, ka Agatha K Sangma na ka NPP kaba la thep nomination mynta ka sngi bad u Dr Mukul Sangma jong ka Congress u ban dang the ia ka nomination jong u ha ka 25 tarik mynta u bnai.
Mynta ka sngi ka Agatha K Sangma kala leit ban thep ia ka nomination jong ha khmat jong u Returning officer jong ka 2-Tura Parliamentary Konstitwensi ha ka jingiadon lang ki nongkyrshan jong ka party ban synranlang ia ka ha kane ka sngi.
Haba kren ha ki lad pathai khubor ha dien ba la dep ban thep ia ka nomination ka la pynpaw ia ka jingsngewbnguh ia ka party NPP kaba la pynpaw ia ka jingiatylli ban ia don ryngkat bad kala ong ba ka jingialap elelction kan sdang mynta.
Kala ong ba ka don ka jingshaniah ha ki paidbah ba kin ai ka jingkyrshan ha kane ka kynti kaba mynta bad ka thong jong ka ka long ban trei na ka bynta ki paidbah baroh. Kala ong ba ki dang don bun ki kam kiba dei ban leh ia kaba yn nym lah ban niew tang mynta.
Kumba ka long ia ka shuki MP na ka 2-Tura parliamentary Konstitwensi la juh jop na ka iing jong u Purno A Sangma bam kwai ha dwar u blei, bad ha ba u la wan sha ka sain pyrthei hapoh ka jylla, la pynieng ia ka Agatha bad la ka jop bad ha dien ka jingkhlad noh jong u kpa jong ki la jop sa u Conrad K Sangma ha kaba u la hiar shuki noh ban shimti ka kam myntri rangbah hapoh ka jylla.
