Nongtalang, Risaw 21: U Bah Prestoen Tynsong myntri ba dei peit ia ka tan sam um jong ka sorkar jylla u ong “ Nga kyndit ban iohi ba ha kane ka shnong Nongtalang Mission, ba ki kynthei ruh ki long ki dkhot hapoh jong ka dorbar shnong, kane ka dei kaba phylla shisha ba ki kynthei ruh ki don bynta lang ha ki kam shnong”.
Haba kren kum u kongsan ha kane ka sngi rakhe ia ka jingdap 25 snem naduh ba la seng ia kane ka shnong mynta ka sngi u la ong ba kum ka shnong Nongtalang Mission ka long kaba itynnad shisha bad kaba khuid bad kane ka lah ban long kaba ar ha dien jong ka shnong Mawlynnong, ia kane ka shnong dei ban pynbna noh kum ka shnong Open Free Deification (ODF).
La ong ba lada la lah ban pynbna ia kane ka shnong ODF kane ka shnong kan ioh ia ka lad ban ring um sha ki iing. 6746 tylli ki shnong bad na kine la lah ban pynbna ia ki shnong kum ki ODF tang 2800 tylli, bad ka sorkar mynta ka dang pynkhreh ban ring um ha ki thliew iing. Ha kine ki shnong ODF yn buh ruh sa ki jaka bret niut ruh.
Ki tnum iing kiba don ha ki nong kyndong ki long 411000, bad ka sorkar ka kwah ban iohi ba kawei pa kawei ka long iing kan ioh ban shna painkhana T.12000 tyngka bad kane ka jingleh khuid kan iai beteng na ka por sha ka por. Ka sorkar ka kwah ban iohi ba baroh ki tnum iing kin long kiba khuid kiba suba.
Ha kane ka sngi na ka liang jong ka shnong kala ai ruh ia ka dorkhas ha u Bah Prestone, ha kaba la buh ia ki jingdawa ba ka sorkar ka dei ban pynioh ia ka surok hapoh Shnong, ban pynheh ia ka UP School, ki Solar Street Light.
Ha ka dorkhas kaba ki la ai sha u MLA jong ki u Bah Stephanson Mukhim, na ka liang jong ka shnong kala pan ia ka kor computer, ki shuki plastic, ki tyndong jingpynsawa, ka Genenrator. Ha kane ka sngi la don lang ruh ki heh sorkar kiba dei napoh jong ka Amlarem Civil Sub Division. Kane ka shnong ka don ia ki tnum iing baroh 101 tylli, ia kane ka shnong la sdang ha u snem 1991.
