Ngan sa leit ia kynduh ia u Lat ka jylla ha kine ki sngi halor ka MRSSA: Conrad

Shillong, Naiwieng 26: U Conrad K Sangma myntri rangbah ka Jylla la iathuh ba mynta ka sngi kila ia kren ha ka jingialang jong Ka MDA halor ka jingpynphai noh u Lat ka jylla ia ka Amendment halor ka ain Meghalaya Resident Safety and Security Bill.

“Ngan sa leit ia kynduh ia u Lat ka jylla ha kine ki khyndiat sngi, halor kane, kumba ka long mynta ka jingtei ia ka ja ka ring jaka mih ha Umling mynta u bnai kaladep kumba la kren hapoh iing dorbar” La ong u Conrad.

U Lat ka jylla haba pynphai ia ka Bill sha ka sorkar u la kdew karti katne ki bynta ba u kwah jingshai bad ia kine ki bynta la ia kren ha ka jingialang mynta ka miet bad u mynta rangbah u la kren shai ba nangne sha khmat kiba rung ha ka jylla ki happy ban da thoh kyrteng bad kane kan long ia baroh.

U myntri rangbah u la ong ba kane ka jaka rung jaka mih ka dei ka pdeng jong kine kiei kiei baroh, ka sorkar kala pynthikna ba kin pyntrei kam noh ia kane ka jaka rung jaka mih bad mynta la ai jinghikai ia ki briew ban don ha kane ka jaka bad ha ka juh ka por yn dang thung shuh ia ki briew ban peit ha kine ki jaka.

U myntri rangbah ka jylla u la pynthikna ba ia ka jaka rung jaka mih ha Umling, Ri Bhoi District ynsa pyntreikam ha ka taiew ba nyngkong u Nohprah bnai ban wan, ia kane u la pynshai ha kane ka jingialang ka MDA mynta ka miet.

What Next?

Recent Articles

Leave a Reply

Submit Comment

*