New Delhi, Risaw 02: U myntri rangbah duh jong ka Ri u Narendra Modi u la ai jingkren ban rakhe ia ka jingialeh ban wan rah ia ka jingkhuid kaba la neh ar taiew lynter ia kaba la pynkut mynta ka sngi bad ha kane ka sngi ka ka kynjoh lai snem ka ‘Swachh Bharat Mission’ bad u myntri rangbah u la ong “ngi la nang jam sha khmat ha ka jingkhuid”.
Ia ka Swachh Bharat Mission la plied a u myntri rangbah duh jong ka Ri ha kane ka sngi lai snem mynshuwa kaba dei ka sngi khraw ba ka ri ka rakhe ia ka sngi khasi jongu kap ka jaidbynriew u Mahatma Gandhi bad Lal Bahadur Shastri; bad kane ka kren haduh katno la lah ban poi sha kata ka thong jong ka jingkhuid.
U myntri rangbah duh jong ka Ri India u la ong b alai snem mynshuwa la sdang ia kane ka mission ban wanrah ia ka jingkhuid bad kala don ka jingshah kynthoh kaba harukom, hynrei na ka liang jong u kum u myntri rangbah duh jong ka Ri u sngewthuh ba kane ka dei ka lynti kaba u kpa ka jaidbynriew u Mahatma Gandhi u angnud bad kan nym bakla. U la ong ba wat ha pdeng ka jingialeh kam mut ban kynran dien noh.
Ha ka jingkren jong u myntri rangbah duh jong ka Ri mynta ka sngi u la ong ba ki paidbah ki kwah ia ka jingkhuid bad kane ka sur hi ka long tang kawei, ban wanrah ia ka jingkhuid yn nym lah ban leh tang da ki nongialam, ka sorkar khlem ka jingiatreilang ki paidbah bad mynta kane ka jingialeh ban wanrah ia ka jingkhuid kala dei ka jingialeh jong ki paidbah. Kaei kaba la lah haduh mynta ka dei ka jingjop jong ki paidbah.
U myntri rangbah duh ka Ri u la ong ba mynta kala don ka jingiakop kawei ka nongbah bad ka wei pat ka nongbah ha ka jingkhuid bad na ka liang jong u myntri rangbah u la ai khublei ia baroh kiba la noh syniang na ka bynta kane ka jingkhun ban ioh ia ka jingkhuid jingsuba. Ha ka juh ka por u la ong ba don bun kaba hap ban dang leh. Ha kane ka sngi u la sam ruh ia ki khsnam sha ki nongjop jong ka jingiakop dro dur bad ki ia kop thoh essay.
