Shillong, Kyllalyngkot 09: U president jong ka HYC u bah Robertjune Kharjahrin u la ong ba na ki jingjia ha ki thain Dawki ha kine ki sngi ha kaba ki briew na Bangladesh kila nud ban tur bad ban pynmynsaw ia ki shipai BSF ka kren shai ba ki paidbah kin don jingshah niah ha ki BSF ban ia da ia ki khappud.
U bah Robert u la ong ba kaba don kam ka long ba ka sorkar jylla ka dei ban pynkhlain ia kilad jingiada na la de kum ka jylla. Ka jingioh rung ki khar Bangladesh haduh 20 km sha India kane ka kren shai ka jingleh sting jong ki BSF.
Ka dei ka jingshisha ba kam juh don ka jingiapahra lang ha pdeng ki BSF bad ki pulit jong ka jylla ha khappud, hynrei ki don ha teng hateng haba ki tip ne ioh ia ki jingtip ki juh ia leh lang ban khynra ha khappud.
U tei u nongialam jong ka seng HYC u la ong ba kim don ka jingshaniah ha ki BSF ba kin lah shisha ban iada ia u pud u sam, namar kane ka CAA la iohi ba ki Bangladesh kila nud shisha ban rung jubor sha India bad leh ia ki kam rumar kumba la paw ha kine ki sngi.
