Shillong, Nailur 29: U Bah AL Hek myntri jong ka sorkar Meghalaya mynta ka sngi u la noh syniang shibani ka tulop jong u sha ka sorkar kerala na ka bynta ki lanot ha ka jingshlei um kaba la lynshop ia katei ka jylla ia kane ka pisa la ai sha ka ‘Kerala Chief Minister’s Flood Relief Fund’.
U Bah Hek u la ai ia ka shek kaba T.2,04,000/- tyngka sha u myntri rangbah ka jylla Kerala u Pinarayi Vijayan ha kamra trei kam jong u myntri rangbah ka tei ka jylla ha Thiruvananthapuram. Na ka liang jong u myntri rangbah ka jylla Kerala u la pynpaw ia ka jingsngewnguh ia u Bah Hek u ba la noh syniang lem ia ki paidbah ka jylla.
Na ka liang jong u Bah Hek u la pynpaw ba u sngew kmen ban ianoh syniang lem ha ka kyrteng ki paidbah jong ka jylla Meghalaya da kane ka jingai kaba rit eh. La ong ban a ka liang jong myntri rangbah ruh u dang lum na ka Meghalaya Chief Minister’s Flood Relief Fund, ha dien ba la dep yn sa ai sha u myntri rangbah ka jylla Kerala.
Ha kane ka sngi u Bah Hek u la pynpaw ruh ia ka jingsngew kmen ban ioh ia kane ka lad ban leit jngoh ia ka jylla Kerala kaba dei ka shnong jong u Lat barim ka jylla Meghalaya u MM Jacob bam kwia ha dwar u blei.Ha kane jingeit la synran lang ia u myntri da u bah C Rani CEO jong ka CR Project.
