Shillong, Kyllalyngkot 30: Mynta ka sngi palat 100 ngut ki nongkyrshan jong ka seng Congress hapoh jong ka Chokpot Konstitwensi kila mih noh na ka party namar ka jignduh tiket jong ka MLA jong ki ka Blue bell Sangma. Kane ka jingmih noh ka party ka long ba pyrshah ia ka jingleh jong ka seng.
Ka Blue Bell Sangma ka dei ka MLA kaba la jop ia ka election shiteng samoi na Chokpot na ka seng Congress, hynrei ha kane ka general election mynta ka party kala kyntait ban ai tiket. Ka party kala ai tiket ia u Lazarus Sangma.
Ha ka wei pat la ong ba kala don ka jingphet seng jong ki 15 ngut ki briew ha poh Jirang Constituency namar ka jingpyrshah ka jong ki ia ka rukom ai tiket jong ka party. Baroh kiba la mih na ka seng congress shuwa ban poi ka sngi thep kyrteng ka long palat ia ka 100 ngut.
Ki MLA kiba la mih na ka seng Congress ki long san ngut, kiba la sangeh ban nym ialeh shuh ki long lai ngut bad kaba shah pynduh tiket dei kawei.
