Shillong, Nailur 24: Ka seng BJP jong ka shnat shillong city mynta ka sngi kala pynlong ia ka jingthang mombati ha khyndaitlad kum ka dak jong ka jingsngewlem ia ki shipai kiba la aiti iala ka jong ka jingim ha jingshah hiar thma ha ki lehnoh ka Ri Pakistan ha Uri, ha ka jylla Jamu bad Kashmir ha ka sngi u blei ba la dep ha kaba 18 ngut ki shipai kila duh ei iala ka jong ka jingim.
U Bah Nittin Khera general secretary jong ka Shillong City u la ong ba ha ka bynta kaba nyngkong kila pynlong ia ka singnature campaign ha kaba kumba 6500 ngut ki briew kila ia soi ia kane ka jingthoh bad kin phah ia kine ki jingthoh sha Uri.
Kane ka bynta kaba ar pat la pynlong ia kane ka jingthang mombati kum ka dak jong ka jingsngewlem ia kine ki shipai kiba len lade ban iada ia ka ri. Kum ki paidbah kim lah ban leh ei ei, hynrei kane ka jingleh ka long ban pyni ia ka jingialang kawei jong ka ri bad ka jingsngewlem na ka bynta jong ki.
U Bah David Kharsati General secretary jong ka seng BJP Meghalaya state Unit u la ong ba kila leh ia kane ka jingthang mombati ka long ban pyrshah ia ki seng lehnoh, ki seng lehnoh ki ioh ia ka jingkyrshan na ki briew jong ka Ri bad kham bun eh dei na bar Ri.
Kane ka jingjia ha Uri ka dei na ka jingkyrshan jong ka Ri Pakistan, ka pyrthei mynta baroh kawei ka tip, kum ka party ka kwah ba baroh ki briew jong ka Ri India ka dei ban pynrem ia kine ki jingleh jong ka Pakistan namar ka jingduh ka long bay n nym lah shuh ban bujli lano lano ruh.
