Shillong, Naitung 19: Ka jinglehniam Behdienkhlam jong ka Sein Raij Tuber kaba heh duh ha Jiantia Hills baroh kawei kala kut mynta ka sngi ha kaba da ki ak ngut ki paidbah kila ia poi sha kane ka jinglehniam kaba shisien shisnem.
Ia kane ka jinglehniam Behdeinkhlam jong ka Sein Raij Tuber la pynkut mynta ka sngi ha ka shnong Tuberkmai Shnong, ha kaba da ki bun phew tylli ki shnat jong ki Sein Raij jong ka Tuberkmai shnong kila wanrah ia ki Rot sha kane ka jaka hapdeng ka jingshong kum ha ka shad ka kmen.
Kane ka jinglehniam Behdienkhlam ka dei kaba heh duh na pdeng ki jinglehniam behdeinkhlam ha Jaintia Hills baroh kawei. Ki paidbah na kylleng ki bynta jong ka rilum Jaintia kila ia poi sha kane ka jingleh niam kaba la juh pynlong shisien shisnem ban ai nguh bad ban kyrpad ia u trai kynrad nongbuh nongthaw ban kyrhu kyrdoh ia ka koit ka khiah ka kamai ka jih.
