Plie ka kong Serina ia ka “Mebaai Tribal Health bad Wellness Centre ha Golf link

Shillong, Jymmang 02: Ka kong Serina Wahlang kawei na ki long kmie kaba la tynmen tam hapoh ka shnong Golf Link kala plie paidbah ia ka jaka sumar dawai kynbat ia kaba la ai kyrteng ka “ Mebaai Tribal Health and Wellness Centre the Indigenous Holistic Therapies and Kerala Massage” ha Golf Link Shillong.

Ha kane ka sngi la don lang u myntri ka koit ka khiah jong ka sorkar jylla u Bah AL Hek, u myntri kam sam um u Bah Samlin Malangniang, u Bah Mohendro Rapsang, Bah Renikton L Tongkhar MLA bad bun ki riew paw khmat ha kane ka sngi bap lie ia kane ka jaka sumar ba dei jong ki riew shimet. Ia kane ka jaka sumar la ia trei lang bad ka Vasudeva Vilasam  kaba na ka jylla Kerala ba kumno ban sumar ia ki briew da ki dawai kynbat.

Ha ka jingkren jong u Bah AL Hek u la ong ba kane ka jylla ka don palat ia 3000 tylli ki jaid dawai kynbat bad da kane ka jingiatreilang ki nongsumar khasi  na kane ka jylla bad ki briew na ka jylla Kerala kan iarap ban kyntiew ia ki kam jngohkai pyrthei ha ka liang ka koit ka khiah bad ha ka juh ka pork an kyntiew ia ka rukom sumar khasi ha kane ka jylla.

Ha ka jingkren jong u Dr. Pradeep Jyoti ba dei na kane ka jylla Kerala, u la ong ba ka kane ka  Vasudeva Vilasam kala leh ia kane ka jingsumar lyngba ki dawai kynbat naduh u snem 1884 bad kane kala wan sha kane ka jylla mynta. La ong ba kin sa pynmih ia shibun ki dawai bad ban kyntiew ia ka rukom sumar khasi ha kane ka jylla.

Ha kane ka sngi u Dr H Bani u wei na ki nongsumar khasi ba la rim bha u la ai ia ka jingkren ka jong u ha kaba u la ong ba ha kane ka por kaba mynta ka ka jingeh ka long ba bun ki dawai kynbat kila sdang ban duh jait na ka daw jong ka jingpynjot ia ka mariangm ban iada na ki jingpang don kam ban pynneh ia ka mariang.

 

 

 

What Next?

Recent Articles

Leave a Reply

Submit Comment

*