Plie u Cornad ia ka surok Mawlai bypass ia kaba la tei ka jinglut  T.27.87 klur

Shillong, Nailar 17: U Myntri rangbah ka jylla u Conrad K Sangma mynta ka sngi u la plie paidbah ia ka surok Mawlai bypass ia kaba la tei ha ka jinglut kaba T,27.87 klur tyngka, ha ka jingiadon lang u symbut myntri rangbah ka jylla ba dei peit ia ka tnad shna surok.

Ha ka jingkren jong u myntri rangbah ha kane ka sngi u la ai khublei kyrpang ia ki trai jaka kiba la ai sngewbha ia ka jaka jong ki ban shna ia kane ka surok bad ia baroh kito kiba la ia don bynta ha kaba pynwandur ia kane ka surok naduh ki nongialam seng sain pyrthei, ki ophisar bad ki nongkit kam shnong.

U myntri rangbah u la ong ba kane ka surok ka long kaba don kam shisha ban pynlait ia ka jingdheng kali ha kane ka nongbah shillong, na ka liang jong u myntri rangbah u la ong ba tang kane kam pat biang dang don shuh ban leh bun kiwei kiwei de.

Ha kane ka jingialang u la iathuh ba ka sorkar kala pynkhreh mynta ban shna bha noh ia ka surok na lad Umsaw sha Mawmaram bad kane kan iarap ha kaba pynkylluid ia ki kali kiba wan na Assam ban leit sha Sohra. Ia kane ka surok Western bypass dang pynkhreh ia ka DPR mynta.

Haba phai sha ka jingkhuid jingsuba na ka liang jong u mytnri rangbah u la ong ba ka long kaei kaei kaba sngewsih ban iohi ba ki don kiba bret nuit ha rud surok bad u ong ba kyrmen ba kane ka surok kam dei ban kylla long ka jaka bret nuit.

Haba ia dei bad ka jingkren jong u MLA jong ka Mawlai u Bah Process T Sawkmie ha kaba ia dei bad ka Marten na ka liang jong u myntri rangbah u la ong ba ka sorkar kam shym la shong thait ban wad ki lad ki lynti ha kaba ia dei bad kane ka jaka.

Ha kane ka jingialang paidbah u la iathuh ba ka sorkar kala ia kren bad ki kompeni ban pynkylla ia kine ki jaboh sha ka jingpynmih bor ding khnang ba ki jaboh kin nym tuid sha ka pung umiam lane sha ki lynti syngkieng.

Ha ka jingkren jongu Bah Prestone Tynsong symbut myntri rangbah, u la iathuh ba ka sorkar kala dep ban ai ia ka jingtrei ban shna na Umshing sha lad Mawroh ban pynheh ia kane ka surok bad ka sorkar kan sa peit ba kane ka jingtrei kam sdang noh shen, la kyntu ia u MLA bad u MDC ba kin ia trei lang na ka bynta ka jingiaid beit ha kaba pyntrei ia kane ka surok.

Kiwei kiba la kren ki long u bah P Marwein Secretary jong ka PWD u ba la batai ia ka jingsdang ia kane ka surok, u Bah R Kharmujia Chairman ka Mawlai Town Dorbar, Bah B L Buam Additional Director Genenral ki pulit, ha kane ka sngi la don lang ruh ka kong RV Suhiang additional Chief Secretary ka jylla, ki ophisar bad ki nongkit kam shnong ka Mawlai baroh kawei.

 

What Next?

Recent Articles

Leave a Reply

Submit Comment

*