Plie u Myntri kam poh iing ia ka Nonghylla Police Station ha SWKH District mynta ka sngi

Shillong, August 11:U myntri kam poh iing ka jylla u Bah HDR Lyngdoh mynta ka sngi u la plie ia ka Nonghyllam Police station, ha Nonghylla ha ka jingiadon lang u MLA jong kane ka jaka u Martin M Danggo myntri ka tnad shna surok jong ka jylla ha ka jingiadon lang ki paidbah na katei ka thain.

Da ka jingplie ia kane ka Police Station, kan iarap shibun ha ka ban ai jingshong shngian ia ki paidbah na katei ka thain, ha kane ka tei ka thain kaba hap hapoh jong ka South West KHasi Hills District ka don hapdeng ka jingeh kaba khraw namar ka jingjyllei jong ki kam sniew.

Katkum ka jingpynbna sorkar kaba la pynmih mih mynta ka sngi ka long ba ia kane ka police station la phaih na ka Ranikor Police station bad naduh mynta ka sngi kan nym hap shuh hapoh jong ka Ranikor police satation bad kane ka Nonghylla police station kala trei kam naduh mynta ka sngi.

Ki shong kiban hap hapoh ka jingpeit jong kane ka Police station kaba thymmai ia kaba la plie mynta ka sngi ki long ka,Nonghyllam, Umsur, Nongjri, Umbar, Poitblei, Nongkulang, Pormawdar, Amarsang, Umtengkut, Weikut, Sohling, Chibak, Upper Chibak, Khonjoy (A), Khonjoy (B), Rangdonggai, Kampilgre, Chitokgre, Maheshkola, Hemanagar, Gelangdra, Kaitakona, Garobita, Kachiasora, Mawhar, Nowasora, Maheshkola Gomagok, Jaru Bagan, Diengngan, Tinpul Nayagaon, Thateja, Rajaju, Sawnumbor, Rongdikgre, Rongdhigre, Chimasora, Ganganagar-A, Ganganagar-B, Gillagora, Upper Gillagora, Koraibari, Upper Koraibari, Majisora, Kutchiasora, Bagli, Rongdusora, Chiragao, Lakma, Borsora, Shipur and Amarsang.

Ki pud ki sam jong kane ka Nonghyllam police station ki long, ka Nongstoin Police station bad ka Mawkyrwat Police Station na shatei, ka Ranikor Police Station na Mih ngi bad na shathie ka Ri Bangladesh bad ka Rongara Police Satiation.

 

 

 

What Next?

Recent Articles

Leave a Reply

Submit Comment
*