Pynbna u Myntri Rangbah ba ka jingpynlip bording ilektrik kan long noh tang ar kynta

Shillong, Kyllalyngkot 20: U Myntri rangbah ka jylla u Conrad K Sangma mynta ka sngi la pynbna ba ka jingpynlip ilektrik kan long noh tang ar kynta bad kata ruh kan long ha ka por miet.

Haba kren ha ki lad pathai khubor mynta ka sngi ha karma trei kam jong u u la ong ba ha dien ba u la dep ban khot ia ka jingialang  ha ka taiew kaba la dep ka sorkar kala shim byn ki lad ki lynti ban weng ia kane ka jingeh bad ha dien ka jingiakren la lah ban pynhiar noh ia ka jingpynlit ding ilektrik sha ka ar kynta.

Ka sorkar kala shim bun ki lat ki lynti ha kaba ia dei bad kane khnangba ki 4.5 lak ki nongpyndon ia ka ding ilektrik ha ka jylla kin nym ia kynduh ia ka jingeh. Ka sorkar kala lah ban ia pynbeit bad ka NPTC da kaba siew T.13 klur sha kane bad mynta la lah ban ioh 40MW ka bor ding ilektrik bad sha ka NEEPCO ka sorkar ka siew T. 65 lah man ka sngi.

U myntri rangbah u la iathuh ruh ba ka MePDCL ka dei ban ioh ia ka pisa na ki nongpyndon kam bor ding ilektrik ka long ba na ki karkhana ka long T.52 klur, na ki riew paidbah ka long T.40.1 klur, na ki dukan ka long T.21 klur bad ka iing sorkar bad ki skul ka long T.52 lakh tyngka.Na ka liang jong u myntri rangbah u la kynti ia ki paidbah ban ia trei lang bad ka sorkar da kaba siew ia kabai light man u bnai.

Haba phai sha ka jingdon kam light jong ki paidbah ha ka jylla ka long palat ia ka 600 MW bad ka jingpynmih iaka bor ding ilektrik ka long tang 300 MW. Na ka liang jong ka sorkar kala shim ia ki lad ki lynti bad ki don haduh khathynriew tylli ki projek kiba dang don mynta ha ka jingpynkhreh. 800 MW na ki thermal bad 8001 MW tam na ki Hydro projek.

What Next?

Recent Articles

Leave a Reply

Submit Comment

*