Shillong, Nailar 05: Ka tnad jngohkai pyrthei jong ka sorkar Meghalaya kala pynkhreh ban ia ka “Meghalaya Registration of Tourist Trade Bill, 2019” katkum kane ka Bill kaba la pynkhreh ka long ba baroh ki Iing bsa ki hap ban register bad ka sorkar, nalor ki iing basa kiba ialam lynti ia ki nongwan jngohkai pyrthei bad kum juh kiba pyniaid ia ki kali na ka bynta ki nong jngohkai pyrthei.
Haba ia kadei bad kane na ka liang jong ka tnad jngohkai pyrthei kala dep ban buh hapoh jong ka website jong kane ka tnad ia kane ka bill na ka bynta ba ki paidbah kin ai jingmut halor kane ka Bill bad kane ka jingai por ia ki paidbah kiba long 30 sngi kala kut ong ki thymmei khubor.
Ki thymmei khubor kiba ia jan bad ka tnad shangkai kyrthei jong ka sorkar jylla kila pynsngew ba ka jingdon kam ia kane ka Bill ka long ban iada ia ki nongwan jongohkai pyrthei na kano ka jingshah thok ne shukor bad ha ka juh ka por ban tehlakam ia ki nongpyniaid iing basa ba kin nym ioh lah ban leh katba ki mon ia ki briew ba wan ban shah.
Katkum kane ka Bill kaba la pynkhreh da ka tnad shangkai pyrthei ka long ba kino kino kiba kwah ban tei ia ki iing basa ki hap ban da register bad ka sorkar bad kum juh ia kiba pyniaid ia ki kali ban kit ia ki nongleit jngohkai pyrthei kum juh ia ki briew kiba ialam lynti ia ki nongwan jngohkai pyrthei.
