Shillong, Jylliew 17: Ka Umroh Sports Club kal lah ioh ban pynkut ia ka jingialehkai kynjat boll ha ka sngi Saitjain ha Madan umroh jong ka Mawkasiang.Ia kaneka jingialehkai la sdang ha ka 28 tarik Iaiong mynta u snem bad la pynkut ha ka sngi Saitjain mynta u bnai ha kaba baroh ki kynhun kiba la wan ban ia shim bynta ki long 32 tylli ki sport club.
Ia kane ka jingialehkai la pyniaid da ka Umroh Sport Club, ia ka jngiakhun ia ka phainal kala long ha pdeng ka NEIGRIHMS Fc bad ka Dango Elevev Fc, ha kane ka jingialehkai ka NEIGRHIMS Fc kala the par kol pyrshah ia ka Dango Elevev Fc bad rah ia ka nam lahduh ha kane ka jingialehkai kynjat bol.
Ha kane ka phainal lah ioh ban sakhi da u Kongsan Bah Kynsai Manik Jyrwa bad Symbud Kongsan da Bah Tishalding Kharkongor u ba long u Rangbah Shnong jong ka Mawkasiang kumjuh lah ia don lang u Secretary Shnong Mawkasiang bad kiwei kiwri pat ki nong shah khot sngewbha.
Ha ka jingkren u kongsan ha kane ka sngi u la kyntu ia ki samla ban long kiba minot ha ki jingialehkai football bad kiwei kiwei khnang ba kin ioh ia ka met ka phad kaba shait kaba khlain,khamtam ki samla ialehkai kidei ban don discipline kumjuh kidei ban don ka burom ka akor ha shnong ha thaw.
Kumta na ka liang u Symbud Kongsan uba long u Rangbah Shnong u la ai khublei kyrpang ia ka umroh sport club kaba la lah ban pynlong ia kane ka tournment kaba jop. Kumta u la kyntu ia ki samla ba kin kiar na ki jingdih pynbuiad ki ba pynsniew ia ka met ka phad khamtam ki players football,kim dei ban mlien ia kine ki jait kam.
Kumjuh i la kyntu ia ki samla ban trei shitom ha ka jingialeikai khnang ba ki lah ban kiew kham shaneng ym ban kut tang hapoh shnong. Ka Umroh Sports Club ka lah ioh ban ai ia ki nongjop ia ka cash prize kaba 10,000 hajar ka running trophy bad medal kumjuh ia ki team ba rem lah ioh ban ai ka cash prize kaba 5000 hajar bad ki medal.
