Shillong, Nailur 02: Ki lai tylli ki bor ba dei peit ia kane ka nongbah Shillong, khamtam ia ki sawdong sawkun jong ka Iewduh kaba pynmih bun eh ka niut ka nier ha kane ka nongbah Shillong, mynta ki la shim ia ka rai ba kin ia treilang ban wanrah ia ka jingkhuid ha Iew Mawlong ka jaka ba la jaboh tam hapoh kane ka nongbah Shillong.
U Chief Executive Officer (CEO) jong ka Shillong Municipal Board (SMB) u Bah B S Allya haba kren ha u SP News Agency u la iathuh ba, ki lai tylli ki bor ba dei peit ia ka khuid ka suba ia kane ka nongbah Shillong kila shim ia ka rai ba kin ia treilang ban wanrah ia ka jingkhuid hapoh Iew Mawlong ka jaka kaba jaboh tam ha kane ka nongbah Shillong.
Ka Shillong Municipal Board, ka Shillong Cantonment Board bad ka Hima Mylliem kila ia railang ban ia trei lang na ka bynta ban wanrah ia ka jingkhuid hapoh Iew Mawlong namar kane ka dei ka jaka kaba jaboh tam hapoh kane ka nongbah Shillong ban ia nujor bad kiwei ki jaka.
La iathuh ba kitei ki lai tylli ki bor kila ia snoh kti lang mynta namar kane ka jaka ka don ka jingiatyngkhuh hapdeng ka SCB, ka SMB bad ka Hima Mylliem bad ka jingshisha ka long ba ka jaboh kaba tuid sha kane ka jaka ka long na Iewduh. Na ka liang jong u CEO ka SMB u don ka jingkyrmen ba ki lah ban pynkhuid ia kane ka jaka da ka jingiatreilang ryngkat ki paidbah.
Haba ia dei bad ka jingbret niut ha Motphran, Stand Jeep bad Garikhan ka SMB kan nym shah shuh ban bret jakhlian, hynrei kala buh ia ki signboard ba ki kali kin poi ha kitei ka jaka bad ki briew kin bret ia ki nuit ha ki kali un ha madan.
