Rai ka SBCC ia ka kyrteng u Bah Haislet kum u kyrtong MDC na Sohiong Konstitwensi

SBah Haislet kyrtong MDC na Sohiong.hillong, Risaw 20: Ka Sohiong Block Congress Committee (SBCC) kala ia shong ban ia kren ia u kyrtong ban ia khun ia ka MDC ilekshon ka ban long ha u snem 2019 sha ka iing dorbar jong ka KHADC.

Ha kane ka jingialang kaba la long mynta ka sngi kiba la tyrwa ia la ka jong ka kyrteng ki don saw ngut ban long ki kyrtong na ka bynta ka MDC ilkeshon. Kiba la poi sha kane ka jingiajied ki long tang lai ngut.

Ki lai ngut kiba la ia poi sha kane ka jingialang ki long u bah Rastingwell L Thabah, bah Badonlang Dohtdong bad u bah Haislet Kharhunai.Ha dien ka jingiamir jingmut kaba la neh bun kynta ka SBCC kala jied ia u Bah Haislet Kharhunai ban phah ia ka kyrtong jong u sha ka MPCC.

Ha kane ka jingialang kiba la ia poi ki long na baroh 34 tylli ki unit jong ka seng Congress na ka Sohiong konstitwensi bad na kawei ka unit la shah ba kin ia poi sha kane ka jingialang ban jied ia u kyrtong MDC dei tang 15 ngut na kawei ka unit.

Na ka liang jong u Bah Satingwell L Tahbah bad u Bah Badonlang Dohtdong kila ai ka jingkular ba kin ia trei lang bad kila pynsngew ba ka shalyntem ban pyntyllun mynta kala long ha u nongialam kaba ki la jied.

Ia ka jingialang la pyniaid da u bah Ronnie V Lyngdoh Nongalam ka MPCC, la don lang u Bah Kennedy Khyriem, Bah HDR Lyngdoh, u Bah Lamphrang Blah. Ha kane ka jingialang kiba la ia poi ki la long kumba 500 ngut ki nongkyrshan jong ka seng.

 

 

What Next?

Recent Articles

Leave a Reply

Submit Comment

*