Shillong, Rymphang 09: Ki paidbah jong ki ar tylli ki District Council ka JHADC bad ka KHADC kin sa jied ia ki 58 ngut ki MDC jong ki ban mih khmat sha kitei ki ar tylli ki iing dorbar ha ka 27 tarik mynta u bnai, hynrei haduh mynta ym pat lah ban ioh ia ka jingkhein na ka tnad DCA katno ngut ki kyrtong ki don kiba ia aireng ha kane ka MDC ilekshon kaba mynta.
Ha kane ka MDC ilekshon kaba mynta ki MLA kiba ia khun ia kane ka Ilekshon ki long ar ngut u Bah Lambor Malngiang na Nongkrem bad u bah Gigur Myrthong na Mawshynrut, katba ki MLA barim ki long u Bah RV Lygndoh na Mylliem, Bah PN Syiem na Mawkhar Pynthor.
Na ki MDC kiba rim kiba khaw paw ha kane ka MDC ilekshon kiba dang ia khun biang ki long u bah Teinwell Dkhar Chairman jong ka KHADC, u Bah Madonbai Rymbai CEM jong ka JHADC. Ia ki kyrteng jong baroh ki kyrtong ki ba ia khun ia kane ka MDC 2019 yn sa lah ban ioh ha ka sngi nyngkong ong ki khubor napoh ka DCA.
