Shah jied u bah HS Shylla CEM ka KHADC ban long u sharman ka Synjuk ki Rangbah Kur  

Shillong, Kyllalyngkot 07: Mynta ka sngi ka KHADC kala khot ia ka jingialang jong baroh ki rangbah kur haba kane ka bri u hynniewtrep bad ha kane ka jingialang ha dien ka jingiamir jingmut kumno ban seng ia ka Synjuk ki Rangbah Kur la jied ia u bah HS Shylla CEM jong ka KHADC ban long u Sharman jong kane ka synjuk.

Kat kiba la lah ban ia poi na ki nongialam jong ki kur bapher bapher ha kane ka jingialang kaba la long mynta ka sngi kila ia kren sani bha halor kane ka phang ha kaba ka jingialang kala neh haduh ar kynta dei ha dien ka jingiamir jingmut bad la pdiang ban thaw ia kane ka Synjur jong ki Rangbah Kur.

Ban pyntyllun ia kane ka kam ban don ia kane ka Synjuk jong ki Rangbah Kur la thaw ia ka kynhun trei kam kaba shipor bad ha kane ka jingiajied ia ki nongkitkam u bah HS Shylla u ba dei u president  kur jong ka jait Shylla u la shah jied ban long u sharman jong kane ka SKRK.

Ha kane ka jingialang kaba la long mynta ka sngi kiba la iapoi na ki kur bapher bapher ki don haduh 85 kur ki rangbah kur. Kubma ka long ka jaid bynreiw khasi-pnar ka don haduh 4000 tylli ki kur bad kane kan long ka synjuk ka ban lah khmat ban peit na ka bynta ka jingbha jong ki kur.

What Next?

Recent Articles

Leave a Reply

Submit Comment

*