Shillong, Jylliew 30: Ka Dr Larilin Kharpuri mynta ka sngi kala shimti kum ka Registrar ba thymmai jong ka skul bah Martin Luther Christian University na Donald Ingty. Ia kane ka jingialang la pynlong ha ophis jong ka skul bah mynta ka sngi.
Ka Dr Larilin kala bat ia ka kam Deputy Registrar ha kane ka skul bah naduh u snem 2012 haduh mynta bad ka long ruh kaba kyrpang namar dei tang ma ka kaba la thung da kane ka skul bah kum nongtrei ha kane ka skul bah ha u snem 2016.
Kala sdang ia ka kam jong ka ha kane ka skul bah kum ka ba trei ha ophis, nangta kala kiew sha ka kam hikai ha u snem 2006 bad ha u snem 2011 ka la long kaba nyngkong ban bat kum ka nonghikai ba ha khlieh jong ka shnat pule ha kaba ia dei bad ka mariang. Ha u snem 2012 kala bat ia ka kam Deputy Register.
U Bah Ingty u ba bat ia kane ka kam haduh ban da kut ka por jong u u la ong shisha u briew u ba la aiti ia lade met bad mynsiem bad u long u briew u ba la iohi jngai na ka bynta ka lawei jong ki samla bad na ka bynta kane ka skul bah.
