Shillong, Naiwieng 30: Ka kong Wansuk Syiem General Secretary ka MPCC mynta ka sngi kala thung ia ki lai ngut ki Block Congress Committee president ha ki lai tylli ki konsititwensi ha Khasi bad Jaintia Hills.
Na Nongthymmai BCC la thung ia u bah Robert G Lyngdoh myntri kam poh iing ba rim ka jylla ban long u President bad bah Edward Ryntathiang kum u General Secretary hapoh katei ka konstitwensi namar u MLA ba mynta u bah Charles Pyngrope u la mih noh na ka party.
Katba na ka Sutnga Saipung Konstitwensi la thung ia u bah Victor Suja kum u President bad ia u Bah Michel Nongtdu kum u general Secretary, ka jignthung ia kitei ka long ha dien ba u MLA u bah Shitlang Pale u la mih noh na ka party.
Ha Umroi la thung ia u bah Pynskhemborlang Sun kum u President bad ia u Bah Isynei Hinge kum u General Secretary jong ka Umroi BCC, ka jingthung ia u ha katei ka jala ka long ha dien ba u MLA u bah George B Lyngdoh la mih noh na ka party.
