Shillong, Lber 31: U Bah Moonlight Parait u la wan biang kum u Chief Executive Member hapoh jong ka JHADC da ka jingtwa ka seng Congress ha kaba lai ngut ki MDC jong ka seng Congress ki la leit ban pyniasoh ia lade sha ka UDP hapoh jong ka JHADC.
Katkum ki tyllong khubor kiba la lah ban ioh la ong ba ka lai ngut ki MDC jong ka seng Congress kila mih bad leit ban pyniasoh sha ka UDP bad da kane kala pynlong ia ka UDP ba don ki MDC 10 ngut hapoh ka iing dorbar kaba 30 ngut.
Ki party kiba ia don lang ha kane ka Executive Committee kaba la ialam da u Bah Moonlight Parait hapoh jong ka JHADC ki long, ka UDP, 10 ngut, ka NPP 11 ngut bad ka BJP 1. Bad ha ka liang pyrshah ki don 8 ngut ki MDC Congress.
