Mawryngkneng, Iaiong 23: Ka KSU Mawryngkneng Circle hadien bala ioh jingtip ba tikna ba don ki Bar jylla ka khlem kot sla bad khlem Work permit kiba wan ban trei ha Mawpdang Mawkhanu Toll gate, ka seng kala pyntip bad ai jingthoh ruh shaka Labour Inspector ka Mawryngkneng C&RD Block ban pynlong ka jing talasi ia katei ka Toll gate bad hadien khyndiat sngi ka seng kala ioh jingtip baki bar jylla ba trei ha katei ka Toll gate kila nangbun.
Haka 22-04-17 ka Seng haka jingialam u Samla Reallystar Nongspung President KSU Mawryngkneng Circle, Raymond Kharjana Environment bad Cultural Secretary KSU Shillong mihngi Circle bad haka jing iadon ryngkat u samla Vincvent Makri E.M KSU Central Body kum u Incharge iaka KSU Eastern Central Unit ka seng kala leit ban hiar ban jurip bad ban khynra Work permit bad lalap ba katei ka Company kala pyntrei daki Mynder kiba khlem kot khlem sla bad bala pynkhein ruh iaka Ain kaba tip kum ka Meghalaya Inter State Workmen (Regulation of Employment and Condition of Service (Amendment) Rules 2011.
Ha katei kajuh hi ka sngi ka seng kala leit ban ujor syndon daka ejahar ha Mawdiang diang Police Out post pyrshah ia katei ka Company pynkhein Ain bad dawa pynshitom ruh katkum ka Ain la ong u samla Apsharai Mawthoh Organising Secretary KSU Mawryngkneng Circle ha ka kyrwoh kaba la phah mynta ka sngi.
