Shillong,Nailar 21: U undersecretary jong ka, ministry mines, jong ka sorkar pdeng u P.Vinay Kumar, ha ka khyndai tarik mynta u bnai u la thoh sha ka Department jong ka atomic energy, namar ka kane ka kam ka hap hapoh ka jingeit jong ka.
Na ka liang jong u Kumar u la thoh ia kane ka shithi sha ka atomic energy, halor ka jingthoh jong ka seng North East Dialogue Forum,(NEDF) Imphal naka jylla Manipur, kaba kila phah sha ka ophis jong u myntri rangbah duh jong ka Ri.
Kane ka seng NEDF, kala thoh sha ka ophis jong u myntri rangbah duh jong ka Ri ban dawa ba dei ban sangeh noh shisyndon ia ka jingtih Uranium ha Meghalaya bad ban sangeh noh ia ka jingtei ia ki dam um kiba heh ha kane ka dong shatei la mih ngi jong ka Ri India.
Ha kane ka shithi kaba la thoh na ka “ministry mines’ sha ka department jong ka atomic energy, ka ong ba la ioh pdiang ia ka jingthoh na ka NEDF, lyngba ka ophis jong u myntri rangbah duh jong ka Ri, kumba la kdew , kumta la phah ia kane ka jingthoh ba kane ka tand sjong ka sorkar pdeng ba dei peit ia ka kam Uranium ha kane ka Ri kan leh ia kaba don kam.
Ia kane ka juh ka shithi kaba la phah sha ka Department jong ka atomic energy , la phah ruh sha ka tei ka seng NEDF kaba la dawa ban nym tih uranium ha kane ka jylla Meghalaya bad ban sangeh kane ka jingshan ia ki dam kiba heh ha kane ka dong hsatei lam mih ngi baroh kawei.
