Shillong, Nailur 11: Ka jingialehkai kynjat boll kaba ar ia kaba la ai kyrteng kum ka ‘2nd Inter SS KUR Football championship 2016 ka ban long ha Smith ha ka 17 tarik mynta u bnai, ki kur na kylleng ka Ri Khasi-Panr kiba la leit ban ai kyrteng ki lapoi sha ka 25 kur.
Ha kane ka jingialehkai , ka committee kaba pyniaid ia kane ka jingialehkai kala shah ba na ka juh ka kur ki lah banpynmih ar lane lai tylli ki kynhun da kaba siew ia ka bai rung kumba la buh. Kane ka jingialehkai kan sdang ha ka por 11 baje mynstep ha ka 17 tarik mynta u bnai ha Smit.
Ha duh mynta kiba la dep ban ai kyrteng na ka liang jong ki kur kiba la rai ban ia shim bynta ha kane ka jingialehkai ki long ka kur, Buam (Elaka Amwi), Dkhar (Khliehriat), Kharkongor (Mylliem), Kharkongor (Umphyrnai), Kharshiing (Mawphlang), Kharbuli (Khyrim), Khongwet (Raid Nongblai), Khonglah (Pynursla), Khongsngi (Khyrim), Kurkalang (Khyrim), Kshiar (Khyrim), Mawiong (Raid Ri 6Kur), Mawthoh(Khyrim), Mawrie (Mylliem) Mawnai (Nongkhlaw), Marboh/Myrboh.
Kiwei pat ki long ka kur, Mawlieh (Raid Mawlieh),Mukhim, Nengnong, Nongdhar, Nongkhlaw (Mylliem), Nongbri (Mawkriah-Mylliem), Sohtun (Mylliem-Khyrim), Syiemlieh (Hima Nongkhlaw), Thongni (Hima Nongstoin).
Ki kur kiba la ong ba kin poi ban ia shim bynta ha kane ka jingialehkai kynjat bol kiba khlem pat pynpoi Kiba kyrpad phah thep kyrteng hynrei kiba ha lynti khlem pat poi pat ia ki kot ki sla ki long ka kur, Kharbyngar, Kharumnuid, Lyngdoh Pyngrope, Marbaniang, Rynjah, Kharmuti, Tariang, Kharbihkhiew, War Malai, Sun bad Kurbah.
La bthah ia baroh ki kur lane ki nongialam jong ki kur kiba la dep ban ai kyrteng ki ban ia shim bynta ha kane ka jingiakop kynjat bol ba kin ia poi sha ka jingialang kaban long ha ka 12 tarik mynta u bnai ha iing jong u Bah John F Kharshiing ha Demthring.
