Shillong, Naiwieng 28: Baroh ki kyrtong kiban ia khun sha ka Election MDC shiteng samoi sha ka KHADC ki don 29 ngut. Kane ka long katkum ka jingbishar bniah ia ki kot ki sla kiba la lap ba ki biang na dongshadong mynta ka sngi.
Na Nongkrem ki don san ngut, Nongspung-Sohiong ki don san ngut, Na Laban-Mawprem ki don hynriew ngut, na Rambrai-Jyrngam ki don saw ngut, Na Mariang-Nongkhlaw ki don saw ngut bad na Pariong-Mawthadraishsan ki don san ngut.
Kumba ka long mynta baroh ki kyrtong kiba la thep kyrteng ki long 29 ngut kiba la dep ban bishar bniah ia ki kot ki sla jong ki bad ka tarik kaba khatduh ba kin weng noh naka lyngpung jong ka jingiakhun kan long ha ka 1 tarik Nohprah. Ia ki kyrteng ba pura bad ki kyrtong kiban ia khun na ki konstitwnesi bapher bapher lah ban ioh thikna ha dien katei ka tarik .
