Shillong, Nailur 16: Wat la ka sorkar kala shim ia ka sien jam kaba kham tyngeh ban shna ban bha ia ki iing skul sha ki nongkyndong, hynrei ka jingbun kiba jot bad ka jingialeh ka sorkar ban pynbha ia ki kam pat ia kot.
Wei na ki nongtrei mon sngewbha u la ong ba ha kylleng ki bynta jong ka thain ha Garo Hills ki don shibun bah ki iing skul kiba la jot rathai ha kaba ki khynnah skul ki shem shitom ban leit skul ha por slap namar kim don jingtap shuh kit num.
Kane ka jingjot palat jong ki skul kala pynlong ruh ia ia ki nonghikai ba kin nym poi thikna sha ki kam hikai namar kam ruh ban hikai na ka daw jong ka jingjaw um ka iing skul haba wan ka por sla, kum kine ki jingjia ki jia kylleng ka Rilum Garo.
Ka jingjot jong ki iing skul kam dei kaba jia tang mynta kine kila jia bun bun snem hynrei na ka liang jong ka sorkar jylla kala shuieh kumto ia kine ki skul bad kane kala dang pynsniew dur shuh shuh ia ka pule puthi ha kane ka jylla.
Ban pynkynmaw ba na ka liang jong u myntri rangbah ka jylla u la dep ban kren paidbh ba ka sorkar mynta ka shna ne pynbha ia ki iing skul sha ki nongkyndong bad haduh mynta na ki palat hajar tylli ki iing skul kiba la jot dang lah ban pyndep kumba 200 tylli bad kiba dang shna kumba 500 tylli tam ne duna.
