Shillong, May 24: U myntri rangbah ka jylla Manipur u la leit ban buh syntiew ban burom ia ki hynriew ngut ki shipai kiba la duh ei ia la ka jong ka jingim na ka daw jong ka jingsiat ki lehnoh na lyndet. Kine ki shipai ki dei na ka kynhun shipai jong ka 29-Assam Riffle.
Ha ka jingkren jong u myntri rangbah ka jylla Manipur O. Ibobi Singh u la ong ba wat hapdeng kine ki jingjia ka sorkar kala rait kut ban pynneh pynsah ia ka shong suk shnong sain bad ia ki nongleh kam sniew ym sha pynshitom da kaba tyngeh.
Ki hynriew ngut ki shipai kiba la aiti ia la ka jong ka jingim ban ia da ia ka ri ha ka jingiakhun pyrshah ia ki lehnoh ki long u, Subedar Baldev Kumar Sharma na Himachal Pradesh, Havildar Surjit Barla na Jharkhand, Rifleman Pawan Kumar na J&K, Rifleman Mahesh Gurung na Uttrakhand, Rifleman Bhupinder Singh na Himachal Pradesh bad u Rifleman Akhilesh Kumar Pandey na Bihar, kine baroh ki dei na ka 29 Assam Rifles katba ki dang wan phai na ka jingiakhun bad ki leh noh na Joupi kaba hap hapoh jong ka Tegnoupal Police station jong ka Chandel District ha ka 22 tarik mynta u bnai.
U heh shipai jong ka GOC 3 Corps u la phah ia ka khubor sngewlem sha kiba ha iing ha sem bad u pynpaw ia ka jingsngewnguh kaba khraw ba ki la aiti iala ka jong ka jingim na ka bynta ban ia khun pyrshah ia ki kam lehnoh. Ha ka juh ka por u la ai ka jingkular ba na ka liang jong ka Assam Riffle kan ai ka jingkyrshan ia ka iing ka sem jong kine kiba la khlad noh.Ia kine ki shipai kiba la khlad noh la phah sha ki iing ki sem jong ki mynta ka sngi da ki helicopter jong ki shipai suin.
Kum ka jingburom khatduh ia ki mynta ka sngi kiba la buh syntiew katkum ka jingle burom jong ki shipai, nalor u myntri rangbah ka jylla Manipur kiwei ki heh kiba la ia donlang ki long U Deputy Chief Minister, u Gaikhangam Gangmei, Lt Gen Abhay Krishna, AVSM, SM, VSM, GOC 3 Corps, u L M Khaute, IPS, DGP Manipur, Maj Gen VS Sreenivas, VSM, IG AR (South) bad Maj Gen S S Mishra, GOC 57 Mtn Division.
