Shillong, Naitung 01: U Chief Executive Member jong ka Khasi Hills Autonomous District Council u Bah PN Syiem u la pynpaw ia ka jingsngew kyndit ka jong ki ban lap ba ka sorkar ha u snem 1983, kala kren shai ba ka jaka ha Saitsohpen ka dei jong ka sorkar phareng bad ka jingheh jong ka long 1075170 akar ia kaba la ai da u syiem sohra sha ka sorkar phareng ha u snem 1805 ia kane ka jaka la thung da ki mawpud sawdong bad la ai ka jingmynjur da u Chief Commissioner ka Assam.
Ia kane ka jaka la jurip biang ha u snem 1905 bad la sign da u syiem jong ka hima sohra ha ka 10 tarik u bnai kyllalengkot 1920, halor kane ka sorkar Meghalaya kala pynmih ha ka jingpynbna sorkar ha ka 16.9.1982.
Halor kane na ka liang jong u CEM, u la ong ba ka sorkar kumba ka long mynta ka shim jaka khlem da kynjoh ktien ia ka KHADC lane ia u sordar jong ka Saisohpen Sirdarship, na ka liang jong ka KHADC kala don ha umdum ha kaba ia dei bad kane ka kam, hynrei ynda kala ioh ia kane ka jingthoh kala kyndit ban iohi ba ki sirdarship ki hap hapoh ki jaka jong ka sorkar.
Halor kane na ka liang jong ka KHADC ha kaba baroh ki MDC bad baroh ki Sirdar kin pynlong ia ka jingialang ha ka 7 tarik mynta u bnai ha Shillong hapoh jong ka Khasi National Dorbar Hall ha Mawkhar ban ia kren ia kane ka kam. Lada ka long kumne ka pyni ba baroh ki sordarship ki dei ki jaka sorkar.
