Jowai, Nailar 16: Ka Jaintia Awakening Movement CB (JAM) Kum shibynta ba kan ia shim bynta ha kaba ia dei bad ka sngi laitluid ba 70 jong ka ri ka la leh ia kawei ka kam babha ha kaba iadei bad u duk u suk u rangli juki jong ka imlang sahlang ka la leit sam ia ki jingbam ha man la kiwei pa kiwei kiba thiah pang hapoh jong ka Jowai Civil Hospital kaba don ha shnong Ialong bad kine ki jingbam kiba khynthup ka dud Horlik,Biskit bad U Umsoh.
Na ka liang jong kine ki nongthiah kila pynpaw da ka jingsngew burom eh ia kane ka seng kaba la don kum kane ka jingmut na ka bynta ka imlang sahlang jong u paid jong ka jaidbynriew bad ha ka juh kawei na ki nongthiah ka labuh ruh ka jing kyrpad ia kane ka seng ba kin kyntu ia ka u u myntri ka koit ka khiah jong ka sorkar jylla kin peit ki jingduna jong ka kane ka hospital bad ia ki rukom trei kila long kiba dkhoh khamtam ia ka jingbymtrei kam jong ka card Megha Health Insurance Scheme ha ki sngi u blei namar kane ka ktah khamtam ia ki nongkyndong kiba jngai shnong namar ki hap ban wan bunsien .
Halor kitei ki jingeh na ka liang ka seng ruh ka la buh ka jing kyrpad ia u myntri ka koit ka khiah jong ka jylla u Bah A L Hek ba un peit ia shibun ki jingduna kane ka sorkar khamtam ha kaba iadei ki jingbymbiang ki jingthiah,ki tiar ai jingshumar ia ki nongpang bad kiwei kiwei ki jingdonkam jong kane ka Hospital bad ka kyntu ruh khamtam ki Nurse ki staff jong kane ka Hospital ba kin don ka jingsngew ieid ia kito kiba thiah pang namar lyngba ka ieid ka jong ki ka lah ban pynkhiah krat ia ki ruh bad khlem da don kata ka jingniewshiliang khmat kino kino kiba wan thiah pang .