Shillong, Nailur 22: U Pa’im jong ka hima mylliem Ricky Nelson Syiem, u la pynpaw ia ka jingsngewkmen ban tip ba u Lat jong ka jylla u V Shanmuganathan un wan ban iuhkjat hapoh Iewduh ha ka 2 tarik jong u bnai Risaw.
Na ka liang jong ka hima ka pdiang sngewbha ia u khliehduh jong ka jylla bad kane kan long ka sien kaba nyngkong katkum ka jingtip ka jong u ba u Lat ka jylla un wan ban iuhkjat hapoh kane ka iew kaba heh duh hapoh kane ka jylla Meghalaya.
Ha ka juh ka por la iathuh ba na ka liang jong u myntri ba dei peit ia ki kam pynroi sor u Bah Ronni V Lyngdoh yn wan ba peit ia ki sawdong sawkun jong kane ka iew ha ka 24 tarik mynta u bnai ban ia treilang bad ka hima bad ka sorkar ba kumno ban ialeh ban wanrah ia ka jingkhuid hapoh kane ka iew.
