Shillong, Risaw 21: U myntri rangbah ka jylla u Dr Mukul Sangma mynta ka sngi u la ong, “ Ban hikai kumno ban tyngka ia ka light, ka sorkar kan sam ia ki “solar Lamp” sha ki khynnah skul jong kane ka jylla kiba dang pule ha ka klass kaba phra bad bad khyndai” ia kane la shim ha ka rai jong ka cabinet.
U myntri rangbah u la iathuh ba kane ka jingsam ia ki solar Lamp sha ki khynnah skul yn sa leh noh shen bad ki khynnah skul ki ban ioh jingmyntoi kin long hadpeng 15000 lane 20000 ngut, ka sorkar jylla kan sa thoh ruh sha ka sorkar pdeng ba kana i jingkyrshan na ka bynta kane ka skhim.
Haba kren ha ki nongthoh khubor ha dien jong ka jingialang jong ka cabinet, la ong ba ka cabinet mynta ka sngi kala pdiang ban ai noh sha ka shnong Wahingdoh, ia ka jaka No-1 bad ka jaka No-2 jong ka sorkar kaba don hapoh ka jingpeit jong kane ka shnong ia kaba ki la pyndon kam mynta ban tei ia ki jingtei ban kyntiew ia ka bha ka miat jong ka shnong.
Ha kane ka sngi ka cabinet kala shim ruh ia ka rai ban thaw ia ka skhim thymmai ban pynneh pynsah ia ki jingtrei jong u men ba rim, kiba dang iai sah haduh kine ki swngi kum ka jingdhna ia ki wait bad kiwei kiwei kiba long tynrai na kane ka jylla Meghalaya, ban pynneh pynsah ia kane ka cabinet kala rai ban pyntrei kamnoh ia ka skhim Meghalaya Art Work.
