Shillong, Nailar 07: U Superintendent ki pulit jong ka South Garo Hills U Abraham T Sangma, u la iathuh ba mynta ka sngi u wei na ki nongialam jong ka seng GNLA u Baltus N Marak u ba la rung ha kane ka seng ha u snem 2010 u la wan pyndem ha khmat jong ki bor jong ka ain.
U ne u lehnoh u ba la wan ban pyndem mynta ka sngi um shym la wanrah tiar ialeh ei ei, u Baltus u dei na ka shnong Chachatgre jong ka East Garo Hills District, la ong ba une u lehnoh ba la kham rim jong ka seng GNLA u don ka jingiadei kaba jan bad u Commander In Chief jong ka seng u Sohan D Shira.
Da ka jingleit ban pyndem jong u ne u nongalam jong ka seng GNLA kala long ka jingduh kaba khraw ia ka seng lehnoh GNLA, Na ka liang jong ki pulit kila pdiang ia kane ka jingwan pyndem bad ka jingtohkit kan dang iaid sha khmat. Une u lehnoh u la pyndep hapoh ki pulit ha Chokpot.
