Shillong, Nailar 26: Mynta ka sngi ha ka por kumba 2.30 baje ei ei mynstep ki riewsniew ia kiba ym lah ban tip kila kawang da u petrol bomb ia ka iing sah jong u Joydeep Sharma. Ha kane ka jingia ym shym don kano kano ka jingjulor ne ka jingmynsaw.
Ki briew kiba don ha katei ka jaka haba kila ioh sngew ia ka jingbethei kaba jam kila kyndit bad kila iohi ia ka ding kaba klang, kila pyntip mar mar sha ki pulit bad na ka liang jong ki pulit kila leh ia kaba don kam ban tohkit ban lap ia ki nongleh kam sniew.
Ha kane ka por ba don kane ka jingkawang petrol bomb ka dei ka por ba ki briew ki dang ioh thiah lyngai bad kane ka jingsawa kynsan kala pynkyndit ia ki briew jong katei ka thain Upper Mawprem.