Shillong, Nailur 07: U bah Latiplang Kharkongor EM ba dei peit ia ki kam Elaka mynta ka sngi u la ong ba ka KHADC kan pynlong ia ka jingialang bah jong baroh ki 54 tylli ki Elaka kiba hap hapoh ka jingpeit jong ka KHADC ha kaba ia dei bad ka jingthmu ban wanrah ia ka jingkylla ha ka Sixth Schedule ban ia mir jingmut shuwa ba kan phah sha ka sorkar pdeng lyngba ka sorkar jylla.
Ia kane ka jingialang la khot ban pynlong ha ka 13 tarik mynta u bnai ha KHasi National Dorbar Hall Mawkhar. Haba kren ha ki nongthoh khubor u la ong ba ka don ka jingiateh kular hapdeng ki Syiem khasi bad ka sorkar pdeng ka Instrument of Annexation bad ka standstill agreement ha u snem 1947 lada leh klet ia kane kan nym poi shaei shaei.
Katkum kane ka jingthmu ban pynkylla ia ka sixth schedule ka don ka jingthmu ban pynkiew ia ki seat na ka 30 sha ka 40 bad ha kane ki khlieh nongsynshar kin ia don bynta lang. Namar ki syiem bad ki sirdar kila ia soi ia ka soskular kumta don kam ia ka jingpynsngew ka jong ki.
