Shillong, Niaiwieng 27: Ki dkhot jong ka Meghalaya Drug Users’ Network (MeDUNET) mynta ka sngi kila ong ba ka kam jing ki ka long ban peit ba kito baroh kiba la ngop ha ka jingkiba sniew kin iohi ia ki dawai namar bun kiba kwah ban kylla.
Haba ia dei bad ka jingleit ka jong ki sha ka ophis jong ka Meghalaya Aids Control Society(MACS) ka dei da ka jingiasngewthuh lang kam dei kumba la kynnoh ba la pynbor ia ki ban poi sha katei ka jingiaid paidbah. La ong u Bah Arborlang Thangkhiew president.
Ha ka jingiadei bad ka VHAM, kum ka MeDUNET ki don ka jingiatreilang hynrei ia ka jingleh bakla jong ka VHAM ki juh pyrshah na ka por sha ka por. Haba ia dei bad ka jingpynduh kynsan ia ka jingtrei kam jong ka VHAM ka jingpyrshah ka jong ki ka long ba ki pyrkhat na ka bynta kito kiba leit ban dih dawai.
Dei tang ha kato ka sngi ba kila iaid paidbah ba ka ophis jong ka MACS kala iathuh ba kila thung ia kawei pat ka kynhun ban mih bujli ha ka jaka jong ka VHAM bad kane ka kynhun kaba thymmai ka ban peit ia ka kam kan shim ia ki nongtrei jong ka VHAM kiba la don ka jingtbit ha ka kam.
Kum ka kynhun MeDUNET, ka jingkwah ka jong ki ka long tang ban biang ia ka dawai bad ka jaka sumar ia kine kiba la ngop ha ka jingdih ba sniew.Haba ia dei bad kata ka jingleh bakla jong ka VHAM kim don jingtip ei ei ai ka ain kan leh ia kaba don kam.
