Shillong, Jylliew 02: ka jingsiat jong ki pulit ia ki kuli pynsat khmat ban beh ia ki paidbah na ka jingialum lyngbung ha Motphrah ka dang beteng haduh mynta ka miet bad na ka liang jong ki pulit ruh ki ialeh ban pynpra ia ki paidbah da kaba siat ia ki kuli pynsat khmat.
Kane ka jingïabeh hapdeng ki pulit bad ki paidbah kala sdang naduh mynsngi bad ka dang iai beteng haduh mynta mynmiet. Ha ka por mynsngi bun na ki long kmie kila ia la ia mih sha khmat ban ia kren ban tem ia kane ka jingïakhih kaba la neh mynta ar sngi lai miet.