Shillong, Naitung 22: Ka kynhun People Democratic Alliance (PDA) hapoh jong ka KHADC kan dang ia shong la shai ka sngi mynstep ban ia pyrkhat la kan pynieng kyrtong ne em ha kane ka elekshon jied chairman hapoh jong ka KHADC kaban long ha ka 24 tarik mynta u bnai.
U Nongialam jong ka PDF u Bah James Ban Basaiawmoit, haba kren ha u SP News Agency u la ong ba kin dang ia kren la shai mynstep la kin pynieng kyrtong ne em na ka bynta ka elekshon Chairman hapoh jong ka KHADC, ban shim ia ka rai kan shong ha ka jingiakren la shai ka sngi.
Lah ban pynkynmaw ba ka PDA kala thep kyrteng ia ka kong Grace Kharpuri ban ia khun ia ka elekshon CEM, hynrei kim shym la wan sha iing dorbar , ha kaba ia dei bad ka elekshon Deputy Chairman kila thep kyrteng ia u Bah Morningstar Mawsor hynrei shuwa ban poi ka por shong dorbar ban ia thep vote u Bah Morningstar u la weng noh ia lade na ka jingiakhun.
